موضوعنا عن أهم 3 خطوات لبناء جسد سليم المكملات الغذائيةطبعًا ده الهوس الأول للكل واللي الناس كلها بتسعى إنها تستعملها ظنًا منها إنها ليها مفعول السحر ربما في شوية مكملات فعلا ليها مفعول بتحسه لكنها بتظل مكملات وهنقسمها كذا قسممكملات الصحة العامده المكملات اللي بتحسن ظايف جسمك وبتكمل النقص عندك وده منها المالتي فيتامين – الدهون الصحية اللي منها الأوميجات والسي أل إيه “ولو بتاكل سمك كويس في نظامك مش محتاج الأوميجات- فيتامين دي ثري وده لو مش بتتعرض للشمس- فيتامين سي وهو واحد من أهم الفيتامين اللي الجسم محتاجها لوظائف كتير وللمناعة ولبناء العضلات والمفروض متبطلوش من جرام لـ3 في اليوم- المالتي منيرال وده اللي هي الأملاح المعدنية- والزنك وده عظيم عشان حاجات كتير يمكن بيدخل في 300 عملية حيوية بيقوم بيها الجسم وللرياضين الرجال بيحفظ إنتاج التستستيرون وكمان للجلد وبيقي من بعض الأمراض.مكملات ما قبل التمرينوده بتبقي مشروبات الطاقة وبتكون مكونة من مجموعة أحماض أمينية ومعادن بتحفز الجسم إنه يوصلك للقوي القصوي عندك ومبنصحش بيه إلا مثلا في نهاية السنة التانية من التمرين وبيستخدم شهرين وتريح شهرين وفي كمان مكملات بتساعد على زيادة ضخم الدم والتحمل زي السيترولين وبيتا الأنين والأرجنين.مكملات أثناء التمرينده زي ال bcaa وهما ثلاثة أحماض أمينية بيساعدوا على تخليق البروتين في الجسم وبيساعدوا في سرعة الإستشفاء وبردو مش محتاجها في السمة الأولى ليك.مكملات ما بعد التمرينالواي بروتين بأنواعه سواء “ايزوليت – كونسنتريت – كازين- هيدرولزيد- أو بيبتايد كلها مسميات بتحدد سرعة وصول البروتين للجسم الأيزو والهيدرو والبيبتيد دول الأسرع في الوصول للعضلات – والكونسنتريت متوسط الإمتصاص وفي لاكتوز وشوية كارب وفات بس قليلين بردو وفي الكازين وده بيبقا قبل النوم غالبًا أو لو نازل الصبح ومش هتعرف تاكل فترة كبيرةالأمينو وده بكل أنواعه بيف أو سالمون أو أمينو عادي ليكود أو بودر أو تابلت وده بيكون الصورة المبسطة للواي تفكيك الجزيئات يعني وبيكون سريع الوصول للعضلات جدًا جدًا وبرأي كل دول بردو مش محتاجهم أول سنة خالص كفاية يكون عندك تغذية سليمةالكرياتين كمان من المنتجات اللي بتاخد قبل أو بعد التمرين وبتزود التحمل وهي فعلا من أهم المكملات وفقًا للأبحاث طالما معندكش مشاكل كبد وكلي وبتشرب ماية كتير بس مش محتاجة أول سنة على الإطلاق لانك في بداياتك لسة بتاخد على التمرين وبتعود جسمك على الرياضة وبتدي فايبر جسمك مجهود كبير مش محتاج تكون بتبدأ وتاخد كرياتين خالص خالص.الجلوتامين بردو من المكملات المهمة مش بس للعضلات لكن الأبحاث أثبتت إنه أهم لصحة الهضم وتحسينه يعني لو بتاكل وجبات كتير وحاسس إن عندك مشاكل شوية في الهضم أعتمد على الجلوتامين هيحسنلك الهضم بشكل ملحوظ كانت الأبحاث بتقول إنه بيكافح الهدم العضلي لكن مؤخرًا في كلام كتير عن أهميته من عدمها في مكافحة الهدمالتغذيةالأكل الطبيعي وده السر الحقيقي لو عاوز تطور مش شكلك من حجمك أعتمد على الأكل الطبيعي ولاك ارب بودر ولا بروتين شيك ولا أمينو أسيد ولا جلوتامين لا الأكل الطبيعيالبروتينمن صدور فراخ لتونة أو سمك بكل أنواعه لحوم حمراء أو البيض البروتين بكل أنوعه لكن حاول في جدول سعراتك متلعبش في البروتين يعني هتدخل 1.8 لكل كيلو في جسمك او هدخل 2.2 أ, أقل أو أكتر على حسب قدرتك متقللش من البروتين عشان هو اللي هيزود عضلاتك ويغير شكلكالكاربده بكل أنواعه من فاكهة لكارب معقد زي الشوفان والبطاطا أو أنواعه تانية من الكارب زي الأرز والبطاطس المسلوقة طبعًا، ده السبب الرئيسي في تطورك هو قدرتك على التحكم في الكارب وأستخدام طرق كارب زي لو كارب أو سايكل كارب أو كيتو دايت أو أي نوع دايت المهم يكون اللعب في الكارب والدهون هو اللي هيحسن ويطور من شكلك.الدهون الصحيةده مينفعش نهملها لان الدهون الصحية بتساعد جسمك عى التخلص من الدهون زي لما يكون جسمك معبي ماية يقلك أشرب ماية كتير بس ده مش معناه كل دهون كتير لكن لازم تاكل وهي زي الزبدة والزيت الزيتون من غير ما يتحط على النار زيوت الأسماك الاوميجات، والدهون اللي موجودة في اللحوم الحمراء بس خلي بالكم إن جرام الدهون ب 9 كالوري، وممكن كمان المكسرات بس مش أكتر من قبضة يد، وزيت جوز الهند.التمرينلازم تنوع في تمرينك دايمًا يعني جدول التمرين بيقعد مش أكتر من شهر ونص، ولكن المعلومة الأهم والغائبة هي أهمية اللعب بأوزان عالية، طبعًا عالية بالنسبالك يعني اللي تجيب بيها 6 أو 8 أو 10 عدات ومتبقاش قادر تعد عدة كمان، ده هيحافظلك على الفايبر ويزوده ويكسب عضلاتك حجم وشكل أحسن، وأنواع التمرين يعني تجرب تلعب الجيم مرة في الأسبوع، وتلعبه مرتين في الأسبوع في بروجرام تاني، أو تلعب سايكل بيوصل لحد 4 حركات في المجموعة الواحدة وياسلام لو داخل فيهم تمارين هوائية هتشوف سحر، وتجرب الفول بادي، والأماميات والخلفيات، ودايمًا تكون بتور في حركاتك تعتمد على التمارين الحرة أكتر من الأجهزة، وسيبك من الأوزان التسخين اللي بتخلص بيها العدات ولا أكنك عملت حاجة، ومتلعبش تمارين مقاومة قليلة عشان الكارديو، لا أمزج بين الأتنين هتلاقيك شكلك أحسن وجلدك بيشتد وماسك نفسك.في النهاية أنا حاولت أنقلكم شوية من اللي أتعلمته وفهمته ولو عجبكوا وحبيتوا الموضوع ممكن أعمل مقال منفصل عن المكملات والفيتامينات والحاجات المصري اللي ممكن نستخدمها، وكمان نكتب عن التغذية وأنواع الدايت والريفيد داي والشي ميل، ونوعيات الأكل وإزاي نعمل برنامج تغذية خاصة بينا، وكمان التمرين طرق التمرن وإزاي نأسس لنفسنا جدول، وأي استفسارات أنا موجود